Hindi dapat manaig ang galit o anumang emosyon ni Pangulong Rodrigo Duterte sa pagdesisyon nitong itigil ang peace talks ng pamahalaan at National Democratic Front (NDF).
Ayon kay Sen. Francis Pangilinan, dapat maging mahinahon at mapagpasensiya ang Pangulo sa mga hinahangad nito sa peace talks.
Binigyang-diin ni Pangilinan na tumagal na ng halos kalahating siglo ang pag-aalsa ng mga komunista, at patuloy na nagpapatayan ang kapwa Pilipino.
Samantala, anim na buwan pa lamang na nakaupo sa puwesto ang Pangulo kung kayat hindi siya dapat na maging padalus-dalos sa pagdedeklara ng all out war laban sa New People’s Army (NPA), ang armadong sangay ng mga komunistang rebelde.
National
