SINAGOT ni Kris Aquino ang mga tanong ng kanyang followers sa Instagram kung babalik pa ba siya sa ABS-CBN at kung kailan? Ang iba, nanawagan sa network na kunin uli nila si Kris at bigyan ng bagong show.
“Heartwarming sentiments BUT ABS-CBN no longer wants me. #truth,” sagot ni Kris.
Lalong nalungkot ang followers ni Kris sa kanyang sagot at gusto nilang malaman kung bakit? May nagbabalak pang sumulat sa ABS-CBN para hingin na ibalik siya sa network, pero parang malabo batay na rin sa sagot ni Kris.
Classic movie ‘Ipaglaban Mo!’, ipinalabas ng CCP bilang kampanya vs VAWC
Sa isa sa latest posts ni Kris, sinabi niyang magpapa-miss muna siya sa kanyang fans at followers sa social media.
“Praying, working, and collaborating on this... So until our launch w/c is coming very soon, we’re going to be focused on creating many interesting & exciting surprises for you... Until then -- I’m going to let you miss me a bit...”
Sa sinabi ni Kris na magpapa-miss siya sa kanyang fans/followers, may mga nag-interptet na baka aalis na muna siya at ang mga anak na sina Josh at Bimby para magbakasyon. (NITZ MIRALLES)
