SA nakaraang Push Awards 2016, napanalunan ni Kim Chiu ang Push Gram Music Artist award para sa success ng kanyang hit song na Mr. Right.
Would you believe, tinalo ni Kim sa naturang category ang ilan sa magagaling na singers at musicians?
Dahil dito, agad na ipinarating ng Star Music head na si Roxy Liquigan na masusundan ng another album ang kanyang Mr. Right album.
Classic movie ‘Ipaglaban Mo!’, ipinalabas ng CCP bilang kampanya vs VAWC
“Nu’ng umakyat ako doon may isa pang award ang ‘binulong ni Sir Roxy, sabi niya next year daw masusundan na si Mr Right,” masayang balita ni Kim.
Hindi niya akalain na malayo ang mararating ng Mr. Right, kaya bukod sa KimXi, todo-pasalamat ang patpating singer-actress sa mga sumusuporta sa kanyang singing at showbiz career.
“Ang layo na ng narating ni Mr. Right, umabot ako ng Billboard Philippines number two, nakakahiya. Well, salamat sa lahat ng tumangkilik at sumuporta sa Mr. Right,” sey ni Kim.
Marami na ang na-LSS sa kanyang kanta, hindi na rin itinanggi ni Kim na tila nakita na rin niya ang kanyang Mr. Right sa katauhan ni Xian Lim.
Game na sagot ni Kim, “P’wede na, siya na,” sabay tawa.
Aminado si Kim na nakita na niya kay Xian Lim ang qualities na hinahanap niya sa isang Mr. Right.
“Si Xian ngayon ang Mr. Right. Siya talaga ‘yung ‘tinatama ang lahat, ‘yung pinapasaya, pinapa-inspire, ‘yung laugh ka lang nang laugh,” pag-amin ni Kim. (ADOR SALUTA)
