HAVANA (AP) – Anim na buwan matapos magdeklara si President Raul Castro ng digmaan laban sa Zika virus sa Cuba, tila epektibo ang pambansang kampanya nito ng puspusang mosquito spraying, monitoring at quarantine.
Kabilang ang Cuba sa iilang bansa sa Western Hemisphere na napigilan ang pagkalat ng sakit na sinisisi sa birth defects sa libu-libong bata. Tatlong tao lamang ang nahawaan ng Zika sa Cuba. Tatlumpo ang nasuri na kinapitan ng virus na nakuha nila sa labas ng isla, ayon sa mga opisyal ng Cuba.
Sinabi ng international medical experts na pamilyar sa Cuba na pwedeng matuto ang ibang bansa sa matinding determinasyon ng Cuba na mapigilan ang pagkalat ng sakit. Pinupuksa ng gobyerno ang populasyon ng lamok sa pag-spray sa halos lahat ng pamayanan sa Cuba nitong tagsibol.
“Cuba’s response has been strong and effective,” sabi ni Dr. Cristian Morales, kinatawan ng World Health Organization sa Cuba. “It has to do with the capacity to organize the population. Applying it to other countries, other contexts, would be extremely difficult.”
