OAKVILLE, Ontario (AP) — Hindi man nakasama sa British Open, siniguro ni Jhonattan Vegas na may korona siyang madadala pauwi ng Venezuela bago makisagupa sa Rio Olympics.
Naitala ni Vegas ang birdie sa huling hole para sa 8-under 64 at isang stroke na panalo sa Canadian Open nitong Linggo (Lunes sa Manila).
Naghabol ang 29-anyos ng limang stroke na bentahe sa pagsisimula ng final round sa nangungunang si Brandt Snedeker at apat na stroke ang layo kay US Open champion Dustin Johnson at Canadian amateur Jared du Toit.
BALITAnaw: Ang dalawang babaeng naging pangulo ng Pilipinas
“That’s the fortunate breaks that sometimes you need to be a champion on the PGA Tour,” pahayag ni Vegas.
“It’s a great feeling. I mean, last week, I had a six-shot lead going into the weekend and lost by three. I was five back starting today and won by one. It’s a crazy sport. You’ve just got to keep your head down and play hard.”
Naisalpak ni Vegas ang limang sunod na birdie simula sa No.2, gayundin ang par-5 No.13.
“Starting the round, I knew that if I could get to 12 under, literally that’s the number I had in my mind. I didn’t know that it was going to be enough, obviously, to win by one, but I knew it was going to give me a good chance.”
Magkasosyo sa ikalawang puwesto sina Johnson, Jon Rahm at Martin Laird.
Naibulsa ni Vegas ang premyong US$1,062,000 at awtomatikong slot sa PGA Championship sa susunod na linggo sa Baltusrol, New Jersey.
