PANTABANGAN, Nueva Ecija – Muntik nang mapatay ng isang 53-anyos na ama ang kanyang 17-anyos na anak na lalaki matapos siyang magwala at tagain ito sa loob ng kanilang bahay sa Barangay Cadaclan, nitong Martes ng madaling-araw.
Kinilala ng Pantabangan Police ang biktimang si Renz Velasco y Evangelista, habang pinaghahanap na ang tumakas niyang ama na si Renato Velasco y Mantile, 53, matapos isuplong ng asawang si Gina Velasco.
Sa imbestigasyon ni PO2 Rogelio DC Rivera, dakong 3:00 ng umaga nang umuwing lasing na lasing ang suspek at walang sabi-sabing pinaghahataw ng itak ang anak, na nataga sa ulo at kanang braso. (Light A. Nolasco)
Probinsya
