Hindi pa man lumalaban, tiniyak ni Philippine team Chef de Mission to Rio Olympics Jose “Joey” Romasanta na hindi pahuhuli ang uniporme at competition uniform ng mga atletang Pinoy.
Nasiguro ni Romasanta na matitikman ng Philippine Team ang world-class uniform matapos magkasundo ang Philippine Olympic Committee (POC) at Sonak Corporation para maging opisyal na “outfitter” ng atletang Pinoy ang Asics.
“We are grateful for the accommodation of Asics in our desire to make this delegation the best way possible. They have to be treated special because it’s the Olympics,” sambit ni Romasanta, first vice president din ng POC.
Sa payak na seremonya nitong Lunes, nilagdaan nina Romasanta at Sonak Corporation president Anil Buxani ang memorandum of agreement (MOA).
Filipino Olympian Hergie Bacyadan wagi kontra Chinese kickboxer; sinungkit gintong medalya
Pagkakalooban ng kumpanya ang buong delegasyon ng sports gear, jacket, t-shirt, medyas at competition uniform.
Sa kasalukuyan, anim na atleta pa lamang ang kabilang sa RP na sasabak sa Rio Games na nakatakda sa Agosto 5-21.
Kabilang dito sina 400m-hurdles Eric Cray, long jumper Marestella Torres-Sunang, weightlifter Hidilyn Diaz, table tennis Ian Lariba at boxers Charly Suarez at Roger Ladon.
