BATANGAS CITY – Nasawi sa aksidente ang isang seaman matapos magkarambola ang tatlong sasakyan sa Batangas City, noong Linggo ng gabi.
Dead on arrival sa St. Camillus Medical Center ang 24-anyos na seaman na si Jayson De Lara.
Ayon sa report ng Batangas Police Provincial Office (BPPO), dakong 6:45 ng gabi nang magkarambola sa Diversion Road sa Barangay Bolbok ang Toyota Vios na minamaneho ng biktima, ang pampasaherong ALPS bus (AIA-7310) na minamaneho ni Erdan Llido, 42; at ang Elf Truck (UND-873) na minamaneho ni Edwin Marasigan, 38 anyos.
Ginagamot pa sa nasabing ospital ang tatlong pasahero ng Vios, ayon sa pulisya. (Lyka Manalo)
Probinsya
