LUPAO, Nueva Ecija - Nakonsensiya kaya agad na sumuko sa himpilan ng Lupao Police ang isang 38-anyos na bus driver makaraang aksidente niyang mabundol ang isang 34-anyos na binatang magsasaka sa San Jose-Lupao Provincial Road.
Ayon kay SPO2 Abraham Florendo, dakong 10:30 ng gabi nitong Linggo nang tumilapon at nabagok si Joemax Galutan y Parayno matapos mahagip ng rumaragasang GL Transit bus na minamaneho ni Ariel Fang y Fregillana, 38, ng Kayapa, Nueva Vizcaya.
Kasong reckless imprudence resulting to homicide ang kinakaharap ni Fang. (Light A. Nolasco)
Probinsya
