MABILIS nawala si Valeen Montenegro sa presscon ng Poor Señorita. Hinanap siya ng press people pagkatapos ng Q&A, pero hindi na siya nakita.
Walang makasagot sa mga taga-GMA Corporate Communication sa tanong ng mga reporter kung bakit biglang nawala ang controversial actress. Dumating ang manager ni Valeen sa presscon at sabay na silang umalis.
'Iconic women!' Pinakamalaki at pinakamaliit na babae sa buong mundo, nagkita!
Ang dami pa namang gustong itanong ng mga reporter kay Valeen, kabilang ang kontrobersiya sa kanila ni Ciara Sotto.
Nang mag-deny si Valeen sa isyung siya ang rason sa paghihiwalay nila ng kanyang husband, nag-tweet agad si Ciara ng “Deny pa more.”
Gusto rin sanang alamin ng press people kung Kapuso talent na si Valeen dahil ang dami niyang shows sa GMA-7. Bukod sa Poor Señorita, may Sunday Pinasaya at Bubble Gang pa siya. Mabuti at wala pang homegrown talent ng GMA-7 na nai-insecure kay Valeen. (Nitz Miralles)
