SAN CARLOS CITY, Pangasinan – Nasawi ang isang babae makaraang pagsasaksakin ng kanyang bayaw matapos nilang magtalo dahil sa usapin sa lupa, sa Barangay Tarece sa lungsod na ito.
Kinilala ng San Carlos City Police ang biktimang si Marlyn Abrillio, 37, may asawa, ng Bgy. Tarece, habang pinaghahanap na ang suspek na si Angel Agbuya, 52, miyembro ng Kabayan Action group, tubong Malasiqui, at kasalukuyang naninirahan sa Bgy. Tarece.
Ayon sa imbestigasyon, dakong 3:30 ng hapon nitong Pebrero 7, nakaupo si Abrillio sa harap ng kanyang sari-sari store nang makita siya ng suspek at magtalo sila hanggang pagsasaksakin na ng suspek ang hipag. (Liezle Basa Iñigo)
Probinsya
