ISA sa pinakamasayang weeksary nina Alden Richards at Maine Mendoza ang naganap nitong nakaraang Huwebes, Pebrero 4, their 29th weeksary.
Binigyan sila ng mahabang oras ng Eat Bulaga at hindi muna pinalungkot ni Lola Nidora (Wally Bayola) ang AlDub Nation nang hindi muna itinuloy ang malungkot na story ng pag-iibigan nina Anselmo (Alden) at Nidora (Maine).
Dumating sa Broadway studio sina Alden at Maine. Ang dalaga ang first passenger ni Alden sa kabibili pa lamang niyang bagong black Grand Starex papunta sa studio. Masayang-masaya ang fans na naghintay sa labas ng studio dahil sila ang unang nakakita sa dalawa bago pumasok sa main studio.
Classic movie ‘Ipaglaban Mo!’, ipinalabas ng CCP bilang kampanya vs VAWC
Sinamahan muli nina Alden at Maine ang mga nagmamahal sa kanila sa celebration nila ng kanilang weeksary.
Nagpalitan sila ng pick-up lines na ikinakilig lalo ng fans. Kinantahan ni Alden ng bago niyang pinag-aralang tugtugin sa ukulele na One Call Away ni Charles Puth si Maine. Niyaya ni Alden si Maine na umakyat sila sa itaas ng studio, sa gitna ng audience sila dumaan, kaya nahawakan at nahalikan sila ng fans. Siyempre, super alalay si Alden para maprotektahan si Maine. Nandoon sa itaas ang mga bouquet of different flowers na sorpresa ni Alden kay Maine.
Pero hindi sila nagtagal sa itaas dahil na-bless sila ng rain showers.
Pumili sila ng three pairs sa studio na binigyan nila ng advanced Valentine gifts. Nagbigay din sila ng message para sa isa’t isa. Nauna si Alden, na ang sabi: “Salamat sa lahat ng mga dumating sa buhay ko simula nang magkakilala tayo, lalo na ikaw nang dumating ka sa buhay ko. Hindi nila alam, pero on and off cam, we got each other’s back.
Thank you Maine, siguro ‘di ko na ma-imagine ang buhay ko kung wala ka. Happy weeksary.”
Sagot naman ni Maine: “Ako, Alden, hindi ko alam na darating ka sa buhay ko.” Nagkatawanan dahil iyon ang line niya sa kanilang bagong McDo commercial. “Hindi, maraming salamat, Alden, Aldub you, salamat talaga sa lahat! Happy weeksary at sa inyo, AlDub Nation, happy weeksary sa ating lahat!”
Dapat ay sasabihin na ni Maine ang second condition niya para sagutin na niya si Alden. Pero hindi natuloy dahil biniro sila nina Allan K, Sen. Tito Sotto at Joey de Leon kung wala bang kiss. Biniro nila si Maine na siya naman ang humalik kay Alden. Hindi naman tumanggi si Lola Nidora, pero nang hahalik na sana si Maine kay Alden, biglang bumusina kaya ang tagal nilang naka-freeze habang hinihintay nilang tapusin ni Gingging (Jose Manalo) ang mga pangyayari sa kalyeserye. Tilian ang audience dahil very close ang mukha ng dalawa na ngitian at titigan, at nakita pang may sinasabi si Alden kay Maine na ikinangiti naman ng dalaga.
Hindi nakaligtas si Maine nang magsalita ni Gingging at bago mag-commercial break, ninakawan siya ng halik sa cheek ni Alden kaya naghabulan sila sa studio sa kasiyahan ng audience at ng tatlong lola. Akmang babatuhin ni Maine ng rubber shoes niya si Alden, pero hindi naman niya itinuloy. Ang lakas ng tilian ng audience nang makita nilang habang commercial break, magkaakbay nang lumabas ng studio sina Alden at Maine. (Nora Calderon)
