TARLAC CITY - Isang takas na bilanggo na sangkot sa illegal drugs sa Sta. Lucia, Ilocos Sur ang nalambat ng mga operatiba ng Tarlac City Police sa Sitio Tampoco, Barangay Matatalaib, Tarlac City.
Matagumpay na naaresto si Richard Hermosura, 20, binata, ng Bgy. Burgos, Ilocos Sur, matapos makipag-ugnayan si Senior Insp. Ramil Mendioro, OIC ng Sta. Lucia Police, sa himpilan ng pulisya sa Tarlac City, na inantabayanan ni Senior Insp. Marianito Lazo, PCP3 commander.
Napag-alaman na si Hermosura ay akusado sa ilegal na droga at nakatakas sa mga nagbabantay na pulis at nagtungo sa Tarlac City. (Leandro Alborote)
Probinsya
