Arestado ang isang lalaki matapos tangayin ang bag ng isang basurero sa Pandacan, Manila nitong Biyernes.
Kinilala ang naarestong suspek na si Aldrin Mijare, 21, residente ng Pandacan, Manila.
Ayon sa pulisya, ikinuwento ni Mikko Mindaros, 22, residente ng 2142 Litex Road, Barangay Commonwealth, Quezon City, na nakaupo siya sa passenger seat ng garbage truck at sa pagtahak sa Pedrol Gil St., sa Pandacan ay biglang sumampa si Mijare sa tagiliran nito dakong 1:00 ng madaling araw noong Biyernes.
Nakatigil umano ang truck sa stop light at laking gulat ni Mindaros nang hablutin ni Mijare ang kanyang bag bago tumalon sa truck at tumakas.
Matapos maligwak ang request: Paolo Duterte, pumayag manatili si VP Sara sa kaniyang opisina
Sa tulin tumakbo ng suspek, bigo si Mindaros na maabutan ito.
Subalit sa tulong ng mga nagpapatrulyang tauhan ng Manila Police District Station 10, natukoy nila ang pinagtataguan ng suspek matapos ang ilang oras na paghahanap at siya ay naaresto. (Argyll Cyrus B. Geducos)
