MAY kumalat na picture sa social media na magkasama sina Cong. Leni Robredo at Dingdong Dantes at ‘yung hindi muna binasa ang caption, akala’y sa proclamation ni Cong. Leni bilang vice president ni Mar Roxas dumating si Dingdong.
Sa pagre-research, nalaman naming sa Youth Forum on Poverty with National Youth Commission, na si Dingdong ang commissioner, sila nagkita. Ginawa ang forum sa University of the Assumption sa San Fernando, Pampanga. Sa mga nagtatanong kung ang ibig bang sabihin ng pagkikita nina Cong. Leni at Dingdong ay si Cong. Leni na ang susuportahan ni Dingdong, wala pang nakakaalam dahil wala pang sinasabi ang aktor.
Ang kasunod na tanong kay Dingdong ay kung sino ang susuportahan niyang presidential candidate. Again, wala pang sinasabi si Dingdong, kaya hintayin natin.
