BALIK-Kapamilya na talaga si Jolina Magdangal!

Miyerkules ng gabi habang nagkakasiyahan sa thanksgiving-cum-birthday party ng isa pang ABS-CBN goldmine na si Coco Martin, hayun si Jolens sa loob ng board room ng Kapamilya Network at pumipirma ng kontrata sa harap ng executives ng nangungunang TV station ng bansa.

Dalawang taong exclusive ABS-CBN contract ang pinirmahan ng misis ng Rivermaya band member na si Mark Escueta at kasama na rito ang first big project niyang Flordeliza na balik-tambalan nila ni Marvin Agustin.

Kung tama ang dinig namin, ito ang ipapalit sa longest morning drama na Be Careful with My Heart nina Jody Sta. Maria at Richard Yap, na magtatapos sa November 28. Ibig sabihin, Flordeliza will start airing on December 1, Monday.

Kasamang pumirma ng former Ang TV star ang kanyang manager na si Perry Lansigan (PPL Entertainment head), Ms. Linggit Tan (Business Unit Head, ABS-CBN Entertainment TV), Aldrin Cerrado (Chief Finance Officer) at Mr. Laurenti Dyogi (TV Production Head).

Pagkatapos ng contract signing, agad nag-post si Perry sa kanyang Instagram account (@perrylansigan) ng pic collage at kalakip nito ang mga katagang: “It’s official. @mariajolina_ig is back in ABS-CBN. Thank you so much to ABS-CBN for the warm welcome and unwavering love. Thank you for the trust. It means a lot. Special mention to Linggit Tan and Direk Lauren.”

Ipinaabot din ni Perry ang pasasalamat sa GMA Network na naging tahanan ng kanyang alaga for 12 years.

“And of course, thank you to GMA for the 12 fruitful years of Jolina. They took very good care of Jolina and she will forever be thankful. Thank you to the bosses and news and public affairs and the ETV group. Salamat sa pagmamahal hanggang sa huli. #Godisgoodallthetime #showsomePPLlove @pplentertainmentinc #regramapp.”

Nag-post naman ng IG photo ng tower ng ABS si Jolina (@mariajolina_ig) na may nakasulat na mga katagang, “I am home” at nilagyan pa ng caption ng “Thank you so much for the very very warm welcome.