6 na katawan at life vests, mga narekober sa 12 araw ng ‘search and rescue’ sa MBCA Amejara-Balita

6 na katawan at life vests, mga narekober sa 12 araw ng ‘search and rescue’ sa MBCA Amejara

Ibinahagi ng Coast Guard District Southeastern Mindanao (CGDSEM) nitong Biyernes, Enero 30, na anim na katawan at ilang life vests na ang kanilang mga narekober mula sa 12 araw ng nagpapatuloy na “search and rescue” operations para sa kamakailang tumaob na MBCA Amejara.

Sa press briefing ni CGDSEM Commander Commodore Philipps Soria, ibinahagi niya ang mga naging development ng “search and rescue” operations simula ng maiulat ang pagtaob ng MBCA Amejara noong Enero 19.

Narito ang timeline ng mga pagrekober base sa pahayag ni Soria:

Aniya pa, may mga araw na maituturing nilang “breakthrough” dahil sa marami-rami nilang mga katawan na narekober.

Una rito ay ang Enero 24, kung saan narekober ng mga awtoridad ang apat na labi mula sa MBCA Amejara, at Enero 26, Enero 28, at 29, kung saan tinukoy nila ang mga posibleng life jacket mula sa karagatan ng Saranggani.

Ibinahagi rin ni Soria na inaprubahan ng Indonesia ang flight clearance ng mga awtoridad para mas palawigin ang search and rescue operations.

Nahati rin sa daw sa dalawang team ang mga kasalukuyang nagsasagawa ng search and rescue para sa mas episyenteng operasyon.

“The first team is a five-member team which is looking into marine casualty investigation. ‘Yong MCI natin o Marine Casualty Investigators natin will look into the factual causal and the recommendatory safety improvements of our practices. Wala siyang liability attribution, it is more on safety recommendation,” paliwanag ni Soria.

“That is why kailangan din natin buoin ‘yong second team. ‘Yong second team is a seven-member team together with the legal. Tawag dito ay ‘yong Incident Investigation Team, they are required to submit a report leading to the investigation. Mayroon silang determination ng administrative and criminal liability of the owner, officers, and crew of the motor banca,” dagdag pa ni Soria.

Tiniyak din niya na kasalukuyang gumagalaw ang magkahiwalay na imbestigasyon ng mga nasabing team kasabay ang nagpapatuloy na search and rescue operations.

Matatandaang unang naiulat ang pagtaob ng MBCA Amejara sa Sta. Ana Wharf, Davao City, noong Enero 19.

Base sa testimonya ng isa pa lamang na survivor rito na si Christopher Bulig, na natagpuan sa katubigan ng Sarangani noong Enero 20, turista ang mga lulan na pasahero ng MBCA Amejara, kung saan nirentahan ito para sila’y makapangisda.

MAKI-BALITA: ALAMIN: Ang pagtaob at pagkawala ng MBCA Amejara sa Davao

KAUGNAY NA BALITA: Coast Guard, nag-abisong mag-ingat sa mga impormasyon tungkol sa MBCA Amejara

Sean Antonio/BALITA

'Tama din po sila:' Vlogger na may-ari ng pinatigil na care facility, tanggap ang desisyon ng DSWD

Tinanggap ng vlogger na si Benjie Perillo, o mas kilala bilang si “BenchTV,” ang ikinasang operasyon ng Department of Social Welfare and Development (DSWD)—kung saan pinatigil ang operasyon ng kaniyang “care facility” sa San Pedro, Laguna.Sa isang social media post na ibinahagi ni BenchTV nitong Biyernes, Enero 30, mababasang sinabi niya na tama naman daw na dapat ay sumunod ang bawat...

Simula Peb. 1: PCSO, mas tataasan pa ang jackpot prizes sa lotto!

P25 ang minimum bet!Magandang balita dahil simula sa susunod na buwan ay mas malalaking papremyo pa ang naghihintay na mapanalunan ng mga manlalaro ng lotto games ng Philippine Charity Sweepstakes Office (PCSO).Sa isang abiso, sinabi ng PCSO na simula sa Pebrero 1, Linggo, ay mas tataasan pa nila ang minimum jackpot prizes na maaaring mapanalunan sa lahat ng kanilang major games.Layunin anila...

Walang lisensya! DSWD, ipinasara 'care facility' ng isang vlogger sa Laguna

Ipinatigil ng Department of Social Welfare and Development (DSWD) ang operasyon ng isang “care facility” sa San Pedro, Laguna noong Huwebes, Enero 29, na pagmamay-ari ng isang vlogger.Ayon sa ulat na ibinahagi ng ahensya nitong Biyernes, Enero 30, wala umanong lisensya ang naturang pasilidad, na siyang pinamumunuan ng vlogger na si Benjie Perillo, o mas kilala bilang si “BenchTV.”Base pa...