Muling pinatutunayan ng magkasintahang Kathryn Bernardo at Daniel Padilla o "KathNiel" na hindi totoong nagkakalabuan at hiwalay na sila, matapos ibahagi sa "Kathryn Bernardo Official" na magkasama silang dalawa sa bansang Japan.

"Finally en route to Japan We came from Isla Amara's launch but had our flight cancelled because of the weather. We hope everyone's keeping safe and dry!," saad sa caption kalakip ang dalawang litrato nila ni DJ.

National

VP Sara sinabing si Romualdez ang gustong pumatay sa kaniya

Magkasama rin ang dalawa sa launching ng bagong boutique resort business ni Kath kasosyo si Ultimate Hearththrob Piolo Pascual, sa El Nido, Palawan. Nakansela nga lamang ang flight ng dalawa patungong Japan dahil sa bagyong Paeng, batay sa update ni Kathryn sa kaniyang Instagram post.

Pinabulaanan mismo ng ABS-CBN showbiz reporter na si MJ Felipe na hindi raw kasama ni DJ si Kathryn nang mga sandaling iyon.

"This should shut down all the rumors. In El Nido with Kathryn and DJ. #KathNiel," aniya. Kalakip nito ang mga litrato nila nina DJ at Kathryn.

Basahin: https://balita.net.ph/2022/10/29/piolo-pascual-at-kathryn-bernardo-magkasosyo-sa-negosyo/">https://balita.net.ph/2022/10/29/piolo-pascual-at-kathryn-bernardo-magkasosyo-sa-negosyo/

Matatandaang lumutang ang isyung may pinagdaraanan ang dalawa dahil sa kanilang mga naging sagot tungkol sa "loyalty", sa ginanap na finale press conference ng kanilang seryeng "2 Good 2 Be True".

"Loyalty for me is being contented," sagot ni Kathryn.

"Because if you are contented, you will not look for… anymore person."

Kapag daw kuntento ka sa isang bagay o tao, doon na makikita ang loyalty. Kapansin-pansin naman ang tila pagpipigil na mapaluha ni Kathryn.

Bago magbigay ng kaniyang sagot ay matagal na nag-isip si Daniel. Sagot ni DJ, ang nakikita raw niya ang depinisyon ng loyalty sa kaniyang alagang asong si Summer.

"Kahit anuman ang pinagdaraanan ko ngayon, kung anuman ang sitwasyon o emosyon ko sa ngayon,kung sino ako ngayon, tatanggapin niya nang buong-buo… iyon ang loyalty," ani Daniel. "Walang judgment…"

Kitang-kita ang makahulugang tinginan at facial expression sa mukha ng dalawa. Tinapik-tapik pa ni Kathryn ang kamay ni DJ at kapansin-pansin ang tila pagpikit-pikit nang mariin ni Kath.

Basahin: https://balita.net.ph/2022/10/27/sagot-tungkol-sa-loyalty-palaisipan-sa-fans-netizens-kathniel-may-pinagdaraanan/" target="_blank">https://balita.net.ph/2022/10/27/sagot-tungkol-sa-loyalty-palaisipan-sa-fans-netizens-kathniel-may-pinagdaraanan/

Ngunit mismong nanay ni DJ na si Karla Estrada na ang sumansala sa mga espekulasyon ng mga netizen at sinabing wala silang dapat ipag-alala dahil hindi totoo ang mga kumakalat na tsika.

Basahin: https://balita.net.ph/2022/10/28/karla-estrada-nagsalita-na-hinggil-sa-isyung-hiwalay-na-ang-kathniel/">https://balita.net.ph/2022/10/28/karla-estrada-nagsalita-na-hinggil-sa-isyung-hiwalay-na-ang-kathniel/

Dahil sa sagot ni Karla, tila nabunutan ng tinik sa puso ang fans ng showbiz couple.