ni LEANDRO ALBOROTE
TARLAC CITY, Tarlac - Isang retiradong pulis at isa pa umanong drug pusher ang inaresto ng pulisya sa ikinasang buy-bust operation sa Sitio Pag-asa, Bgy. San Rafael ng lungsod, nitong Sabado ng hapon.
Kilala ang dalawa sina Lorenzo Jacob, 60, may-asawa, dating pulis, residente ng Avid Street, San Sebastian, at Freluz Sotto, 3, binata, at residente ng Sitio Lote, Bgy. Central, Tarlac City.
Sinabi naman ni Maj. Rocky De Guzman, hepe ng Provincial Police Drug Enforcement Unit (PPDEU), na walang inirekomendang piyansa ang korte para sa pansamantalang kalayaan ng dalawa matapos masamsaman ng mahigit sa 18 gramo ng pinaghihinalaang shabu.
Probinsya
