PSL at MPBL, wala pang paramdam para maging Pro-Balita

PSL at MPBL, wala pang paramdam para maging Pro

NAKAPAGDESISYON na ang Premier Volleyball League (PVL). Kasunod na ang Beach Volleyball Republic (BVR).

Pormal na ring nakipag-usap at nagpahayag ng intensyon na magpasailalim sa regulasyon ng Games and Amusements Board (GAB) ang premyadong beach volleyball league sa pagbabalik ng kanilang conference sa Enero.

Ayon kay GAB Chairman Abraham ‘Baham’ Mitra, ilang serye nang pagpupulong ang naganap sa pagitan ng BVR organizers, sa pangunguna ni Charo Soriano, at GAB Legal Division chief Atty. Emar Benitez kung saan tinanggap ng beach volleyball group ang mga programa at benepisyo sa pangangasiwa ng GAB.

“They’re ready to turn pro. For their next conference next year, officially pro na ang liga nila,” pahayag ni Mitra. “Masaya po kami sa GAB at naipapaunawa naming sa kanila at kanila naming tinutugunan ang aming panawagan,” aniya.

Nitong Biyernes, sa joint media conference via Zoom, ipinahayag ng GAB ang pormal na pagiging pro league ng PVL matapos ang mahigit isang dekada, kabilang na ang pagiging Shakey’s V-League, na paglalaro bilang amateur.

“With the support and approval of team owners, the PVL decided to turn pro,” pahayag ni PVL president Ricky Palou.

Bunsod nito, ang PVL ang kauna-unahang women’s volleyball league na nagging professional at ikalawang women’s sports league sa kasaysayan ng bansa matapos ang naunang desisyon ng Women’s National Basketball League (WNBL).

Mismong ang mga volleyball star na tulad nina Soriano at Allyssa Valdez ay nagpahayag ng kasiyahan sa naturang desisyon ng PVL na anila’y tapik sa balikat para sa seguridad, development at kabuhayan ng mga volleyball players.

“Turning pro may add to the luster [of the PVL], advertising value, longevity and popularity,” pahayag ni Mitra.

Inilunsad bilang Shakey’s V-League noong 2004 bago nagpalit ng pangalan noong 2017, nagdesisyon ang PVL na magsumite ng aplikasyon para maging professional league matapos ang nagkakaisang boses ng mga team owners ng Creamline, Choco Mucho, PetroGazz, BanKo Perlas at Motolite.

Ayon kay Mitra, bukas ang GAB sa anumang pakikipagtalakayan sa iba pang liga tulad ng Philippine Super Liga (PSL) na pinangangasiwaan ni athletics chief Philip Ella ‘Popoy’ Juico at ang Maharlika Pilipinas Basketball League (MPBL) ni Senator Manny Pacquiao

-Edwin G. Rollon

VP Sara, nag-eendorso raw para sa impeachment trial—solons

Nagbigay ng reaksiyon sina La Union 1st district Rep. Paolo Ortega V at Lanao del Sur 1st district Rep. Zia Alonto Adiong matapos mag-endorso ng mga kandidato sa pagkasenador si Vice President Sara Duterte, na nahaharap sa impeachment trial na nakabinbin sa Senado.Kamakailan lamang, inendorso ng Pangalawang Pangulo sina reelectionist Sen. Imee Marcos, House Deputy Speaker Camille Villar, at SAGIP...

Espiritu, pinuri si Bitoy dahil sa comedy sketch tungkol sa political dynasty

Naghayag ng paghanga si labor leader at senatorial aspirant Atty. Luke Espiritu kay comedy genius Michael V. o kilala rin bilang Bitoy.Sa isang Facebook post ni Espiritu noong Sabado, ibinahagi niya ang kaniyang reaksiyon sa comedy sketch na ginawa ng Bubble Gang tungkol sa political dynasty.Tampok sa naturang comedy sketch kung paano ang galawan ng mga politikong lumilikha ng sarili nilang...

15 katao nasawi sa pagkalunod sa kasagsagan ng Holy Week—PNP

Nakapagtala ng 18 kaso ng pagkalunod ang Philippine National Police (PNP) kung saan 15 sa kanila ang kumpirmadong nasawi. Ayon sa ulat ng isang lokal na pahayagan nitong Linggo ng Pagkabuhay, Abril 20, 2025, tinatayang nasa siyam na mga biktima ng pagkalunod ang nasa hustong edad habang ang ilan ay mga menor de edad.Ilan sa mga rehiyong nakapagtala ng pagkalunod ay mula sa Rehiyon ng Ilocos,...