Bagong bagyo, nakaamba

August 06, 2018

Isa sa dalawang low pressure area (LPA) na nasa loob ng Philippine area of responsibility ang pinangangambahang maging tropical cyclone na maaaring magpalakas sa southwest monsoon o habagat.

Ayon kay Meno Mendoza, weather specialist ng Philippine Atmospheric, Geophysical and Astronomical Services Administration (PAGASA), malaki ang tiyansa na maging tropical depression ang namataang LPA sa 1,280 kilometro sa silangan ng Tuguegarao City, Cagayan.

Kapag naging ganap na bagyo, tatawagin itong “Karding.”

Gayunman, sinabi ni Mendoza na hindi naman ito inaasahang tatama sa kalupaan, ngunit maaari nitong paigtingin ang habagat na magbubuhos ng ulan sa ilang bahagi ng bansa sa mga susunod na araw.

Samantala, maliit naman ang tiyansa na magiging bagyo ang isa pang LPA na nasa layong 615 kilometro sa kanluran ng Subic, Zambales.

Patuloy namang makaaapekto ang habagat sa katimugang bahagi ng Luzon at Visayas.

-Ellalyn De Vera-Ruiz

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...