NUEVA ECIJA - Tatlo ang nasawi habang 13 ang naaresto sa magkakahiwalay na anti-illegal drugs operation sa Nueva Ecija, sa nakalipas na 72 oras.
Sa report na ipinadala kay Senior Supt. Eliseo Tanding, Nueva Ecija Police director, kabilang sa mga nasawi sina Melvin Santos, ng Barangay La Torre, Talavera, Nueva Ecija; Kenneth Corpuz, ng Dicarma, Cabanatuan City; at Leonardo Milan, alyas Cocoy, 41, ng Bgy. Umangan, Aliaga, Nueva Ecija.
Ang unang dalawang napatay ay nakipagbarilan umano sa mga pulis nang mahalatang buy-bust operation ang naturang transaksiyon.
Nagtangka namang manlaban sa mga tauhan ng San Antonio police si Milan, sa isang checkpoint sa San Mariano-Lawang Cupang Road, San Mariano, San Antonio ng nabanggit na lalawigan.
6 dayuhang nagsasagawa ng medical mission sa Leyte, ninakawan!
Ayon kay Chief Insp. Marlon Cudal, hepe ng San Antonio police, sangkot si Milan sa robbery hold up activities sa Aliaga, Nueva Ecija at drug surrenderer noong 2016.
Kabilang naman sa mga naaresto sa Bgy. Poblacion West Rizal, Nueva Ecija sina Erwin Revamuntan, 51, ng Bgy. Poblacion West; Casiano Agustin III, 34, ng Calaocan District, kapwa taga-Rizal, Nueva Ecija; at Maximo Mallari, 51, ng Bgy. Palomaria, Bongabon, Nueva Ecija.
Arestado naman sa Bgy. San Roque, Cabiao, Nueva Ecija si Ricardo Caguiat, 65, ng Bgy. 201, 3018 Abucay St., Tondo, Maynila. Siya ay nakuhanan ng apat na pakete ng shabu.
Kabilang din sa mga naaresto sina Ronnie Obligasyon, 47, ng Bgy. Mallorca, San Leonardo, Nueva Ecija; Efren de Fiesta, 35, ng Bgy. Villa Flores, Cuyapo, Nueva Ecija; Jayson Carvajal Villacorta, 39, ng Bgy. San Juan Aliaga, Nueva Ecija; Roberto Pingol Magno, 35, ng Purok 3, Bgy. San Roque, San Isidro, Nueva Ecija. Dinakip din sa Purok 2, Bgy. Imelda sina Rodolfo Padilla Iniego, Jr., 21; Roberto Nuque Cincepcion, 38; Wilson Villanueva dela Cruz, 18, kapwa taga- Bgy. MS Garcia; Eric Vitoriolo, 41; at Leonora dela Cruz Mallari, 54, Bgy. Imelda, Cabanatuan City.
Nahaharap ang mga inaresto sa paglabag sa RA 9165 (Comprehensive Dangerous Drugs Act of 2002).
-Light A. Nolasco
