Apat na katao ang inaresto ng awtoridad sa anti-illegal drug operations sa magkakahiwalay na lugar sa Maynila at Taguig City, nitong Huwebes.
Unang inaresto ng mga tauhan ng Manila Police District (MPD)- Station 1 ang dalawang suspek na kinilalang sina Roberto Salinas, 38, barangay tanod; at live-in partner niyang si Rizalyn Bamba, 36, ng 265 Hinahon Street, Tondo, Maynila.
Nagsagawa ng buy-bust operation ang pulisya sa panulukan ng Masikap at Kagitingan Sts., Tondo at tuluyang naaresto ang dalawa, dakong 9:15 ng gabi.
Nasamsaman naman ng ilegal na droga ang magpinsang sina Rico Torregoza, 46, binata, ng Victor St., Makati City; at Crisologo Butcon, 50, binata, technician, ng Zone 4, Bgy. Fort Bonifacio, Taguig City, bandang 3:10 ng hapon.
UP, top university pa rin sa Pinas; Iba pang paaralan sa bansa, pasok sa Asian ranking!
Ayon pa sa awtoridad, nagtangka pang tumakas ang mga suspek ngunit naaresto rin.
-Mary Ann Santiago at Bella Gamotea
