Ni Lyka Manalo
IBAAN, Batangas - Tinutugis ngayon ng pulisya ang isang lalaking umano’y nanunog ng bahay ng dati niyang kasintahan matapos hindi magustuhan ang pakikipag-break sa kanya nito, sa Ibaan, Batangas nitong Linggo.
Sa report ng Batangas Police Provincial Office (BPPO), dakong 8:00 ng gabi nang sunugin ni Arnel Roallos ang isa sa mga kuwarto sa bahay na pag-aari ni Leticia Perez sa Barangay Coliat, Ibaan.
Si Roallos ay dati umanong kasintahan ng anak ni Perez.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Lumabas sa imbestigasyon na hindi umano nagustuhan ng suspek ang pakikipagkalas ng nobya kaya sinunog ang kuwarto nito.
