Sa ngalan ng Marawi victims

By Balita Online

August 02, 2017

In OPINYON

NI: Celo Lagmay

KAHIT na ano ang sabihin ng sinuman, naniniwala ako na ang pasiya ng Philippine Sports Commission (PSC) hinggil sa pag-atras o pagtangging maging host country ang Pilipinas sa 2019 Southeast Asian Games (SEAG) ay nasa wastong direksiyon. Nakaangkla ang aking mga argumento sa nakalululang gastos sa pagtataguyod ng regional sports competition at sa walang katiyakang seguridad na gumagambala sa ating bansa.

Daan-daang milyong piso ang dapat ilaan ng gobyerno at ng mga sports organization sa naturang kompetisyon na nilalahukan ng mga bansang Asyano; libu-libong manlalaro at sports officials ang dapat nating asikasuhin sa kanilang pagtungo sa ating bansa.

Kinakatigan ko ang pasiya ng PSC na ang anumang halagang ilalaan sa nabanggit na sports fest ay iukol na lamang sa rehabilitasyon ng naturang siyudad at sa pangangailangan ng mga biktima ng digmaan; wasak ang lungsod at ang mga mamamayan ay nagdurusa pa sa iba’t ibang evacuation centers. Ang pondo para rito ay maidadagdag sa P10 bilyong inihahanda ng Duterte administration para sa pagbabagong-anyo ng Marawi City.

Isa pang dapat isaalang-alang sa ating pag-atras bilang host country ay ang mabuway na kalagayan ng ating seguridad, lalo pa nga at ang naturang kompetisyon ay nakatakdang idaos sa Davao City. Nakababahala pa rin ang Marawi war at hindi malayo na ito ay magbigay-panganib sa ating mga panauhing atleta.

Hindi isang kahihiyan ang pagtanggi nating itaguyod ang nasabing paligsahan. Aminin natin na bukod sa kakulangan ng pondo, hindi sapat ang ating preparasyon sa iba’t ibang larangan ng palakasan. Sa 10 bansang naglalaban, hindi man lamang tayo napabilang sa ‘Top 3’; lagi tayong nangungulelat sa paramihan ng nahahakot na medalya. Noong nakaraang SEAG, halimbawa, tila isang gold medal lamang ang ating nasungkit.

Totoo na makatuturan ang paglahok natin sa iba’t ibang sports competition hindi lamang sa SEAG kundi maging sa Olympic games. Kailangan nating laging naitatampok sa sports world map dahil sa kahusayan ng ating mga atleta. Hindi natin malilimutan sina Lydia de Vega, Elma Muros at iba pa na nagpamalas ng kahanga-hangang kahusayan sa kani-kanilang larangan ng palakasan.

Subalit iba ang sitwasyon ngayon. Palibhasa’y may maalab na pagmamalasakit sa ating mga kapatid na biktima ng digmaan, naniniwala ako na ang pagbuhos ng pondo – hindi lamang ang ilalaan sana sa SEAG kundi maging sa iba pang hindi gaanong mahalagang okasyon – ay dapat lamang maging top priority ng administrasyon. At ito ay pabilisin sa ngalan ng Marawi war victims.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...