Ni NITZ MIRALLES
Isa sa magiging pang-come on ng movie ang Aurora Borealis dahil marami sa mga Pinoy ang gustong ma-witness ito. Pero dahil mahal mag-travel papunta sa mga bansang may Aurora Borealis o Northern Lights, okay na muna sa kanila o sa atin na mapanood ang natural phenomenon na ito sa pelikula.
Wala pang announcement kung kailan ang playdate ng Northern Lights: The Movie na co-produced ng Regal Films at Star Cinema. Kung hindi kami nagkakamali, co-producer din nito si Piolo.
Walang teleserye o regular TV show si Piolo, pero sunud-sunod ang pelikula niya, kaya matutuwa ang kanyang fans. Bukod sa Nortern Lights: The Movie, may gagawin din siyang pelikula with Dayanara Torres at isa pang pelikula na si Iza Calzado naman ang kapareha niya.
