NALUSUTAN ng San Beda College ang hamon ng Mapua nang makaungos sa dikdikang 5-sets upang masiguro ang playoff para sa isang semifinals berth.
Ginapi ng Red Lionesses ang Mapua Lady Cardinals, 25-16, 25-15, 22-25, 20-25, 15-9, kahapon sa pagpapatuloy ng NCAA Season 92 volleyball tournament sa San Juan Arena.
Dahil sa panalo, umangat ang San Beda sa barahang 6-3.
Nanguna para sa koponan si Francesca Racraquin na may 16 puntos .
Goodbye PBA? John Amores, tinanggalan na ng professional license!
“Masaya kami nakapasok kami sa playoff pero mas masaya kami kung nasa Final Four na kami,” ani San Beda coach Nemesio Gavino.
Nanguna naman sina Patricia Peña , Diane Latayan at Danielle Ramilo para sa Lady Cardinals na nalaglag sa barahang 5-3.
Nauna rito, kinumpleto ang Final Four casts ng men’s division matapos patalsikin ng Red Lions ang Mapua, 22-25, 25-23, 25-13, 25-13.
Tinapos ng Red Lions ang eliminations na may markang 7-2 habang pinabagsak nila ang Cardinals sa barahang 5-4.
Sinamahan nila ang mga naunang semifinalists College of St. Benilde (7-1), Arellano University (6-2) at defending champion Perpetual Help (6-1). (Marivic Awitan)
