ZAMBOANGA CITY – Isang lalaki na ikakasal sana kahapon ang kritikal ngayon ang lagay sa ospital makaraang pagbabarilin ng riding-in-tandem sa Barangay Tetuan, Zamboanga City, bago magtanghali kahapon.
Ayon kay Tetuan Police chief, Supt. Nonito Asdai, dakong 11:50 ng umaga at nagde-deliver ng wedding invitation si Emmanuel “Mark” Santos, taga-Bgy. Tugbungan, sa isa niyang kaibigan sa Alfaro Street nang mangyari ang insidente.
Sinabi ni Supt. Asdai na sinundan ng mga suspek ang sinasakyang Isuzu DMax (XRU-650) ni Santos at pagbaba ng huli ay malapitan siyang binaril ng dalawang salarin.
Nagtamo ng tatlong bala sa ulo at katawan si Santos, na kritikal ngayon sa ospital. (Nonoy E. Lacson)
Probinsya
