2 asset ng police kidnappers, sumuko

By Balita Online

January 07, 2017

In BALITA Probinsya

Kusang lumantad kahapon ang dalawa sa tatlong asset ng limang pulis na akusado sa pagdukot at pagpatay sa isang negosyante sa Upper Carmen, Cagayan de Oro City noong Oktubre 2016.

Sumuko kay Regional Trial Court (RTC) Branch 21 Presiding Judge Gil Bollozos matapos magpalabas ng warrant of arrest laban sa mga akusado na sina Federico Guevarra at Rolando Udasco.

Kabilang sina Guevarra at Udasco sa nakunan ng CCTV camera nang sapilitang pinasakay sa grupo ni Sr. Insp Ereneo Ramirez ang biktima na si Enrique Fernandez III mula sa isang condotel.

Inihayag ni Sr. Insp. Maricris Mulat, Divisoria Police Station commander, na agad pinuntahan ng kanyang mga tauhan ang sala ni Bollozos upang ikumpirma ang pagsuko ng mga suspek.

Dinala na sa Cagayan de Oro City Lumbia Jail sina Guevarra at Udasco.

Si Ramirez, kasama ang mga tauhan na sina PO3 Alejandro Ubanan, SPO 2 Jojo Lim, SPO 1 Alaindelon Tacubao-ug,PO2 Sangkula Hussein ay naaresto ng National Bureau of Investigation (NBI) noong Nobyembre 2016.

Ikinagalak ng pamilyang Fernandez ang pagsuko ng dalawang akusado. (Fer Taboy)

VP Sara, pinasalamatan imbestigasyon ni Sen. Imee sa ‘pagdukot’ kay FPRRD

Nagpahayag ng pasasalamat si Vice President Sara Duterte kay reelectionist Senator Imee Marcos dahil umano sa imbestigasyong ikinasa nito sa Senado hinggil sa pag-aresto sa kaniyang ama na si dating Pangulong Rodrigo Duterte. Sa panayam ng media sa Pangalawang Pangulo sa Leyte noong Martes, Abril 29, 2025, iginiit niyang nais na rin umano niyang makita ang resulta ng nasabing imbestigasyon ni...

Student-athlete, pumanaw matapos ang boxing match

Pumanaw ang isang 20 taong gulang na lalaking student-athlete ilang araw matapos ang kaniyang boxing match-up sa Camiguin.Ayon sa mga ulat, agad na isinugod sa ospital ang biktima na kumakatawan sa Southern Tagalog laban sa kinatawan ng National Capital Region (NCR) para sa 2025 State Colleges and Universities Athletic Association (SCUAA) National Games noong Abril 26, 2025. Agarang isinugod sa...

NAIA security personnel, pinagbabawalan nang humawak ng passport ng mga pasahero

Pinagbabawalan na ng Ninoy Aquino International Airport (NAIA) ang lahat ng kanilang security personnel na hawakan ang pasaporte ng mga pasahero, kasunod ng kamakailang isyu tungkol sa 'punit na passport.''To better protect your travel documents and reduce unnecessary contact, all NAIA security personnel have been instructed not to touch passports during terminal entry and security...