FEU-Gerry's Grill, kampeon sa MBL-Balita

Kinumpleto ng Far Eastern University-Nicanor Reyes Medical Foundation-Gerry’s Grill ang dominasyon sa impresibong 103-83 panalo kontra Emilio Aguinaldo College para tanghaling kampeon sa 2016 MBL Open (Second Conference) basketball tournament kamakailan sa EAC Sports Center sa Ermita, Manila.

Ito ang kauna-unahang titulo ng FEU-NRMF sa bwena-manong paglahok sa prestihiyosong collegiate league na itinatag noong 2000.

Tinanggap nina FEU-NRMF manager Nino Reyes at coach Pido Jarencio, Bonnie Tan at Beaujing Acot ang tropeo mula kay dating PBA coach at league commissioner Arturo Valenzona sa awarding ceremony.

Pinangunahan nina Christian Manalo at Fil-Canadian sensation Clay Crellin ang nakabibilib na opensa ng FEU-NRMF upang tiyakin ang panalo sa naturang kompetisyon na itinaguyod ng Smart Sports, Ironcon Builders, Star Bread, Dickies Underwear at Gerry’s Grill.

Kumana si Manalo ng 22 puntos, habang si Crellin -- nahirang na MVP – ay kumubra ng 19 puntos.

Agaw eksena rin ang ex-PBA star na si Jerwin Gaco, na tumipa ng 15 puntos para sa FEU-NRMF-Gerry’s Grill.

Naging malaking bahagi rin ng panalo ang mga import na sina Bright Akhuetie at Moustapha Arafat, na umiskor ng 17 at 9 puntos, ayon sa pagkasunod.

Ang dalawang African import ay nagbigay sigla rin sa kanilang mga showtime play para sa FEU-NRMF.

Bagamat natalo, naging impresibo rin ang pakikipag-tagisan ng EAC nina coach Ariel Sison at asst. coach Bong Melocoton sa mas beteranong FEU-NRMF side.

Nanguna sina Sidney Onwubere, Hamadou Laminou, Juju Bautista, Jerome Garcia at Jeanu Gano para sa Generals, ilang ulit na nagtangkang humabol bago tuluyang natalo.

Humirit si Onwubere ng 19 puntos habang nag-dagdag ang 6-10 na si Laminou ng 14 puntos para sa Generals, itinuturing na most improved MBL team dahil sa runner-up finish.

Sa nakalipas na MBL First Conference nitong Mayo, tumapos sa ikaapat ang EAC.

Iskor:

FEU-NRMF-Gerry’s Grill (103) -- Manalo 22, Crellin 19, Akhuetie 17, Gaco 15, Raymundo 10, Arafat 9, Banzali 5, Camacho 4, Zamora 2, Tan 0, Asoro 0.

EAC (83) -- Onwubere 19, Laminou 14, Bautista 10, Garcia 9, Gano 9, Aguas 5, Bugarin 5, Diego 5, Mendoza 3, Altiche 2, Martin2.

Quarterscores:

29-16, 55-40, 82-65, 103-83.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...