OPORTUNIDAD SA PAG-ANGAT SA BUHAY

October 29, 2016

KAPANALIG, dumarami ang Pilipinong kumukuha ng mga technical at vocational course. Para kasi sa marami, may dalang pag-asa ang technical courses. Nagbubukas ito ng maraming oportunidad para sa mga mamamayang hindi kayang matustusan ang pag-aaral.

Ayon sa isang pag-aaral ng Philippine Institute for Development Studies nitong Marso 2016, ang pangunahing kliyente ng mga technical at vocational education and training ay mga high school graduate (50%), ngunit marami ring college undergraduate (19%) at college graduate (13%). Meron ding mga high school undergraduate (7%).

Ayon naman sa Impact Evaluation Study of TVET Programs ng TESDA noong 2013, 45% ng mga kumukuha ng vocational course ay nag-enroll para makakuha ng trabaho, habang 38% naman ay nagnanais na makakuha ng bagong kasanayan. May 7% na nagsabi na nais nila ma-upgrade ang kanilang kasanayan.

Sa simpleng datos na ito, kapanalig, makikita natin ang pagnanais ng mga kabataang Pilipino na makapagpatuloy mag-aral, kahit na vocational course lamang, upang mabilis silang makahanap ng trabaho. Maraming out-of-school youth, kung bibigyan lamang ng access at pagkakataon na makakuha ng technical course, ay magkakaroon ng sigla at bagong direksyon sa buhay.

Kaya’t isang mainam na stratehiya ang pagpapalawig ng mga technical at vocational course sa barangay level.

Inuumpisahan na ito ng TESDA, ngunit kailangan pa itong patatagin. Ang mga local government units (LGUs) ay dapat manguna sa pagpapalawig ng mga kurso na ito. Ang pagkaroon ng lahat ng mga barangay ng mga regular at libreng technical course para sa kanilang mamamayan ay magdudulot ng sanga-sangang ganansya para sa pamilya at pamayanan. Isa rin itong positibong stratehiya laban sa droga.

Ang pagbibigay oportunidad sa mamamayan ay pagkilala sa kanilang dignidad. Ito ay nagbibigay halaga sa kanyang pagkatao at sa kanyang ambag bilang bahagi ng lipunan. Ang Octogesima Adveniens, bahagi ng panlipunang turo ng Simbahan ay nagpapaalala sa atin na ang layon ng lahat ng institusyong panlipunan ay ang tao. Lahat ng mamamayan ay dapat mabigyan ng trabaho at ng pagkakataon na mapaunlad ang kanilang mga kasanayan at pagkatao. Ang pagpapalawig, kapanalig, ng mga teknikal na kurso sa mga barangay, lalo na sa mga pinakamaralita, ay pagsasabuhay ng tagubilin hindi lamang ng Catholic Social Teachings, ngunit ni Kristo mismo. Ito ay “love in action” dahil binibigyan natin ng pagkakataon ang lahat na maabot ang kaganapan ng kanilang pagkatao.

Sumainyo ang katotohanan. (Fr. Anton Pascual)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...