TALAVERA, Nueva Ecija - Dahil sa malakas na boltahe ng kuryenteng pumasok sa katawan, isang 32-anyos na electrician ang namatay habang nagkakabit ng ground cluster sa Gift Power Plant Corporation Sub-station sa Purok 6, Barangay Bacal II sa bayang ito, nitong Biyernes ng tanghali.
Sa ulat ng Talavera Police, nakilala ang mga nakuryente na sina Reggie Dote y Relamida, 32, ng F. Pelias Street, Bgy. Talobo, Tagbilaran City; at Jayson Padua y Salvador, 22, binata, helper ni Dote, at taga-Bgy. San Agustin, San Jose City.
Lumabas sa imbestigasyon ni PO3 Marvin Verde, dakong 12:30 ng tanghali at nagkakabit ng ground cluster si Dote katulong si Padua nang madaiti siya sa high tension wire at agad naman siyang sinaklolohan ni Padua.
(Light A. Nolasco)
