Ginapi ng Centro Escolar University-B, University of Perpetual Help-Molino at San Beda-Mendiola ang kani-kanilang karibal sa pagpapatuloy ng 14th Fr. Martin Division 2 Cup basketball tournament kamakailan, sa Arellano University gym sa Legarda, Manila.
Sinandigan ang CEU-B Scorpions nina Paul Galinato, Mohd Sayeed Ascano at Don Tabol para pabagsakin ang Jose Rizal University, 68-59, sa torneo na suportado ng Vinas Optical.
Nanguna naman si Jayvee Tizon na may 14 na puntos sa panalo ng UPH-Molino Altas kontra Colegio San Agustin-Binan, 76-68.
Pinabagsak ng San Beda, sa pangunguna ni Emmanuel Bejer na umiskor ng 19 na puntos, ang CSA-Binan sa junior division.
Volleyball fans may bagong aabangan sa PVL!
Nakabawi ang CEU sa natamong 56-65 kabiguan sa Arellano University Chiefs sa opening match sa Group A.
Sa iba pag laro sa junior division, pinadapa ng Hope Christian School ang Adamson, 80-69, habang namayani ang Letran sa Xavier School, 75-70, at nagwagi ang Manila Patriotic School sa San Beda-Rizal, 82-76.
Ayon kay Commissioner Robert de la Rosa, ang apat na mangungunang koponan sa bawat grupo matapos ang elimination at uusad sa quarterfinals.
