CEBU CITY – Matapos ang Donaire-Bedak showdown, masasaksihan ng Cebuano boxing fans ang limang professional bouts ngayon sa Mabolo, Cebu City tampok ang duwelo sa pagitan nina Margarito Moya at Rogen Flores, kapwa gumagawa ng pangalan sa lokal boxing scene.
Ang 10-round fight at gaganapin sa Wilfredo Cabalse Sports Complex.
Tangan ni Moya ang 8-2, 2KO’s karta, habang may maipagmamalaking 14-19-6,7KO’s si Flores. Kapwa walang problema sa timbang ang dalawa sa ginawang weigh-in kahapon. Naisumite nila ang 118 lbs.
Mapapanood din ang laban sa pagitan nina Anthony Sabalde (130lbs) vs Marvin Tampus (130lbs) - 8 rounds, Joey Canoy(104lbs) vs Fabio Marfa (107lbs) - 6 rounds, Elias Joaquino(112lbs) vs Marlon Talili (110lbs) - 6 rounds at ang panimulang duwelo sa pagitan nina Refuela (111lbs) vs Rolien Getalada (111lbs) na four-rounder.
