Magtutuos ngayon ang Alaska Aces at Star Hotshots sa duwelo na magbibigay ng dagdag na alalay para sa kani-kanilang kampanya sa paglulunsad ng aksiyon sa PBA Commissioner’s Cup sa Davao City.
Nakatakda ang labann sa ganap na 5:00 ng hapon sa University of Southern Philippines gym.
Nasa ikatlong puwesto hawak ang barahang 5-3, sisikapin ng Aces na makabawi sa kabiguang natamo sa kamay ng Mahindra kamakailan upang palakasin ang tsansang humabol sa top two spot na may kaakibat na twice- to- beat advantage papasok ng playoff.
Target din ng Star na makabangon mula sa kabiguan sa kamay ng San Miguel Beermen na pumutol sa kanilang kauna-unahang back- to- back win.
'Pikon daw?' UAAP fan na nag-dirty finger, agaw-eksena sa San Juan Arena!
Taglay ng Star ang markang 4-5 para sa ikasiyam na puwesto sa team standings.
Batay sa format, uusad sa top 8 quarterfinal series ang mga koponan na may pinakamatikas na karta.
Umaatikabong bakbakan ang inaasahang masasaksihan ng Davaoenos sa larong tatampukan nina import Shane Edwards ng Aces at Ricardo Ratliffe para sa Hotshots. (MARIVIC AWITAN)
