PURA, Tarlac - Walong katao ang grabeng nasugatan sa pag-araro ng motorsiklo sa nagsisibabang pasahero ng isang nasiraang tricycle sa Pura-Guimba Road sa Barangay Singat, Pura, Tarlac.
Kinilala ni PO2 Gerardo Lagayan ang ilan sa mga nasugatan na sina Laika Quezon, 20, dalaga, ng Bgy. Bagong Bario, Guimba; Davidson Gonzales, driver ng Honda motorcycle; Bryan James Rivera, 18, driver ng tricycle (VX-9120), ng nasabing barangay.
Patuloy pang inaalam ng Pura Police ang pagkakakilanlan ng iba pang nasugatan.
Bumabagtas ang motorsiklo sa Pura- Guimba Road nang biglang tumawid sa kalsada at nabundol si Quezon.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Sa kalituhan ni Gonzales, inararo ng kanyang motorsiklo ang limang pasahero ng tricycle ni Rivera na noon ay nagsisibaba makaraang ma-flat ang gulong ng sasakyan. (Leandro Alborote)
