Ginapi ng Ateneo ang Far Eastern University, 78-53, sa huling duwelo ng elimination round nitong Sabado at patatagin ang katayuan para sa stepladder semifinals ng UAAP Season 78 juniors basketball tournament sa Filoil Flying V Arena.
Kumubra si Jolo Mendoza ng 17 puntos para sa Blue Eaglets, pangatlo sa playoff seeding tangan ang 10-4 marka.
Haharapin ng Blue Eaglets ang No. 4 Baby Tamaraws (8-6) sa Miyerkules sa knockout game ng unang yugto ng stepladder playoffs na ang mananalo ay lalaban sa ‘twice-to-beat’ second seed De La Salle-Zobel (11-3). Ang magwawagi ang uusad sa championship round kontra sa naghihintay na National University.
Nakuha ng Bullpups ang awtomatikong puwesto sa Finals nang walisin ang 14-game elimination sa pamamagitan ng 80-57 panalo sa Junior Archers.
'Pikon daw?' UAAP fan na nag-dirty finger, agaw-eksena sa San Juan Arena!
Tinapos naman ng Adamson ng kampanya sa impresibong 77-63 panalo kontra University of Santo Tomas para sa 7-7 karta. - Marivic Awitan
