HINDI NA MAGHIHILOM?-Balita

KASABAY ng pagsalubong sa Bagong Taon, muling umingay ang mga balita na panahon na upang ilibing na si dating Pangulong Ferdinand Marcos sa Libingan ng mga Bayani. Hanggang ngayon, ang mga labi ni Pangulong Marcos ay nananatili sa air-conditioned mausoleum sa Batac City sa Ilocos Norte. Pumanaw siya noong Setyembre 1989 habang naka-exile sa Hawaii.

Ang panawagan ng sambayanan, partikular na ng mga Marcos loyalist, ay maliwanag na nakaangkla sa kanilang paniwala na ang yumaong Presidente ay hindi lamang naging Punong Ehekutibo ng Pilipinas kundi itinuturing ding bayani ng digmaan. Pinatunayan ito ng mga medalya na ipinagkaloob sa yumaong Pangulo.

Subalit tila hindi nagbabago ang paninindigan ni Pangulong Aquino nang tandisan niyang ipinahayag sa isang pagtitipon ng mga dayuhang mediamen na: “It really would be the height of injustice to render any state honor to the person who was the direct mastermind of all the suffering during the martial law period. I will not be sanctioning a burial for the late President Marcos... not under my watch.” Ibig sabihin, itinuturing niyang isang sukdulan ng kawalan ng katarungan ang pagpapalibing sa yumaong si Marcos sa Libingan ng mga Bayani. At hindi ito mangyayari habang siya ang Pangulo.

Sa kabila ng naturang pahayag, sinasabi na buong pagpapakumbaba namang nanawagan si Senador Ferdinand ‘Bongbong’ Marcos Jr. na tigilan na ang bangayan ng kanyang pamilya at ng mga Aquino alang-alang sa kapakanan ng bansa, at para sa katahimikan ng dalawang pamilya. Ang gayong alitan ay nag-ugat sa pagiging mortal na magkaaway sa pulitika ng yumaong si Marcos at ni Senador Benigno Aquino Sr. Ang pamilya Marcos ang sinisisi sa pagkamatay ng dating senador noong 1983. Naging hudyat ito ng mga kilos-protesta na nauwi sa pagpapatalsik kay Marcos ilang presidente noong 1986.

Gayunman, hindi kumukupas ang mga panawagan upang si Marcos ay mailibing sa Libingan ng mga Bayani. Ito ay sinasabing sumasagisag sa paglilibing ng kultura ng galit at paghihiganti na balakid sa pagsulong ng bansa at mistulang pagkakawatak-watak ng sambayanan.

Ang kawalan ng pagkakaunawaan, pagpapatawad at pagkakapatiran ay hindi kaya katulad ng isang sugat na hindi na paghihilumin ng panahon? (CELO LAGMAY)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...