Sa kulungan bumagsak ang isang 49-anyos na babae matapos itong maghuramentado at mamaril ng mga istambay sa Pio del Pilar, Makati kahapon ng madaling araw.
Ayon sa Makati City Police, tinamaan ng bala si Rowell Roque, 30, sa puwit nang paputukan ng suspek na si Lilibeth Pedroso gamit ang isang 9mm pistol mula sa bahay ng huli sa Santuico St., Barangay Pio del Pilar,dakong 12:27 ng madaling araw.
Sa hindi mabatid na kadahilanan, lumabas si Pedroso mula sa kanyang bahay na may daladalang baril at bigla na lamang pinaputukan ang mga istambay.
Matapos mamaril, bumalik sa bahay si Pedroso at nagkulong ng sarili sa kanyang silid.
