Ginawaran ng parangal kahapon ni Armed Forces of the Philippines(AFP) Chief of Staff Gen. Gregorio Pio Catapang Jr. ang 26 sundalo na nasugatan sa pakikipaglaban sa bandidong Abu Sayyaf Group (ASG) noong Biyernes sa Talipao, Sulu.
Patuloy na ginagamot ang 26 sa Camp Navarro General Hospital sa Zamboanga City.
Tatlo sa mga sugatang sundalo ang ginawaran ng Gold Cross Medal dahil sa kanilang ipinamalas na katapangan nang makasagupa ang 300 bandidong.
Ginawaran naman ang 25 na sundalo ng Wounded Personnel Medal.
National
50.78% examinees, pasado sa Nov. 2024 Licensure Exam for Agriculturists
Ayon kay Westmincom Public Affairs Office (PAO) Capt. Rowena Muyuela, ginawaran ng mga Gold Cross Medal sina 1Lt. Michael B. Asistores; Sgt. Eddie P. Lumandap; at Pfc. Ariel E. Cajes.
Samantala, iginawad ang Wounded Personal Medal sa iba pang tauhan na sina S/Sgt. Johnifer J. Tumala; Pfc. Carlito A. Sistoza; Pfc. Richard C. Rendon; Pfc. Reagan J. Apostol; Pfc. Jerimane E. Corpuz; Pfc. Emidio D. Bitin III; Pfc. Alexander S. Nael; Cpl Ray B. Tampil; Pfc. Romarico T. Talledo, Jr.; Pfc. Rogelio A. Domingo; Pfc. Richie H. De Pedro; Pfc. Rogie L. Valdez; Pfc. Belger M. Ramirez; Sgt. Elmer L. Lazaga; Pfc. Eduardo U. Gomez; Pfc. Mark Laurence A. Manggad; Pfc. Orlando B. Ballesteros, Jr.; Cpl. Dennis S. Azerador; Pfc. Jerico T. Diza; Pfc. Jeffry B. Baquial; Sgt. Delio B. Surio; Cpl. Jevsie H. Galulu; at Pfc. Lloyd F. Saranglao.
