HS Bojie Dy, binati si acting SP Win Gatchalian-Balita

HS Bojie Dy, binati si acting SP Win Gatchalian

Naghayag ng pagbati si House Speaker Faustino "Bojie" Dy III para kay Senador Win Gatchalian sa pagiging acting senate president nito.

Matatandaang ginulat nI Senador Chiz Escudero ang Senate plenary hall matapos siyang dumalo sa sesyon nitong Miyerkules, Hunyo 3, ilang araw matapos ang hindi pagsipot ng Senate majority bloc sa kanilang plenary session.

Si Escudero na nauna na noong sumapi sa majority bloc ang siyang kumumpleto bilang ng 12 senador upang magkaroon ng quorum at rumatsada ang sesyon ng Senado.

Bunsod nito, agad na binakante ng Senado ang posisyon ng Senate President Pro Tempore kung saan naihalal si Gatchalian sa naturang posisyon at kalaunan ay idineklara bilang acting Senate President.

Maki-Balita: Tawid-bakod na? Sen. Chiz, binulaga plenary session!

Kaugnay na Balita: Sen. Bam, pinasalamatan si Sen. Chiz

Kaugnay na Balita: 'Sen. Chiz do not believe in what they are fighting for!'—Sen. Erwin

"On behalf of the House of Representatives, we extend our warmest congratulations to the Acting Senate President, Sherwin Gatchalian, on your assumption of this important responsibility," ani Dy sa isang pahayag nito ring Miyerkules.

"At a time when our nation looks to its institutions for stability and leadership, a fully functioning Senate is essential to advancing legislation, exercising oversight, and upholding democratic governance. We are confident that under your stewardship, the Senate will continue to discharge its constitutional duties with integrity, independence, and dedication to the public interest," dagdag pa niya.

"We wish Acting Senate President Gatchalian every success as he leads the chamber in addressing the challenges and opportunities before our country."

Bukod sa Kamara, kinilala rin ng Malacañang ang pagkakahalal kay Gatchalian bilang Senate President Pro Tempore at acting Senate President.

Maki-Balita: Malacañang, kinilala ang 'bagong mayorya' at liderato ni acting SP Gatchalian

Samantala, sa isang pahayag, tinawag ni Senate President Alan Peter Cayetano na ilegal ang kudetang ginawa ng minority bloc.

"This is an illegal coup d’état na may kasamang pagbabasura ng ating Konsitusyon. I warned everyone about this from day one," saad ni Cayetano.

Maki-Balita: Cayetano, tinawag na ilegal ang kudeta ng minority

SP Cayetano, nanawagan sa mga Pilipino na dumalo sa prayer vigil sa Senado!

Umapela sa mga tagasuporta si Senate President Alan Peter Cayetano na dumalo sa prayer vigil sa labas ng Senado bukas ng Huwebes, Hunyo 4, matapos ang naging hakbang ng Senate minority bloc na iluklok bilang Senate President Pro Tempore at acting Senate President si Sen. Win Gatchalian, sa isinagawang plenary session ngayong Miyerkules, Hunyo 3. Matatandaang sa pagsisimula ng plenary session,...

'Senate back to work for the Filipino people!'—New Senate Majority

Idiniin ng bagong mayorya ng Senado na magbabalik na sa pagtatrabaho ang Mataas na Kapulungan para sa sambayanang Pilipino.Ito ay matapos magkaroon nitong Miyerkules ng hapon, Hunyo 3 ng isang quorum dahil sa hindi inaasahang pagdalo sa Senate plenary session ni Sen. Chiz Escudero. Sa joint statement na ibinahagi ng bagong mayorya, na mababasa sa verified at official Facebook page ni Sen. Risa...

Sen. Erwin, pinabulaanang may kapalit pagsipot ni Sen. Chiz sa plenary!

Iginiit ni Sen. Erwin Tulfo na walang kapalit o anumang kasunduan ang pagdalo ni dating Senate President Francis “Chiz” Escudero sa sesyon ng Senado nitong Miyerkules, Hunyo 3, sa gitna ng mga espekulasyon kaugnay ng nagpapatuloy na sigalot sa loob ng kapulungan. Sa panayam ng media, sinabi ni Tulfo na walang basehan ang mga alegasyong may naging kapalit ang pagdalo ni Escudero sa sesyon....