Kinumpirma mismo ni Metro Manila Development Authority (MMDA) General Manager Nicolas Torre III kamakailan na “exempted” na sa umiiral na “truck ban” at “number coding” ang mga oil tankers, maging ang mga transportasyong nagkakarga ng mga pangunahing produkto sa iba’t ibang parte ng bansa.
Ayon kay Torre, kinikilala nila ang nangyayari sa kasalukuyan, at isa ito sa mga direktibang sa tingin nila ay makatutulong sa sitwasyon.
“Approved na ‘yong MC resolution… so lahat ng field trucks ay hindi na kasali sa number coding… at pati ang mga basic commodities natin is ganoon din,” saad Torres sa isang joint press briefing kasama sina Department of Public Works and Highways (DPWH) Secretary Vince Dizon at San Juan Mayor Francis Zamora.
Aniya, “Dahil we recognize ‘yon nga ang pangangailangan ng ating mga kababayan na talagang medyo may…it is beyond normal ang situation natin, so medyo ina-alleviate natin through these directives.”
MAKI-BALITA: Oil tankers, mga sasakyang naghahatid ng basic commodities exempted sa truck ban at coding—MMDA-Balita
Ngunit nito lamang Huwebes, Marso 26, inisa-isa na ng MMDA ang mga basic necessities at prime commodities sa truck ban at coding exemption.
Ang mga sumusunod ay basic necessities na sakop ng truck ban at coding, ngunit hindi lamang limitado sa:
- rice, corn, root crops, bread
- fresh, dried, or canned fish and other marine products
- fresh pork, beef, and poultry meat
- fresh eggs
- potable water in bottles and containers
- fresh and processed milk
- fresh vegetables and fruits
- locally manufactured instant noodles
- coffee
- sugar, cooking oil, salt
- laundry soap and detergents
- firewood
- charcoal
- household liquified petroleum gas (LPG), kerosene, and candles
- drug classified as essential by the Department of Health (DOH)
Ang mga sumusunod ay prime commodities na sakop ng truck ban at coding, ngunit hindi lamang limitado sa:
- fresh fruits
- flour
- dried, processed, or canned pork
- beef and poultry meat
- dairy products not falling under basic necessities
- onion, garlic, vinegar, patis, soy sauce
- toilet soap
- fertilizer, pesticides, and herbicides
- poultry, livestock, fishery needs, and veterinary products
- paper
- school supplies
- nipa shingles
- sawali
- cement
- clinker
- GI sheets
- hollow blocks
- plywood
- plyboard
- construction nails
- batteries
- electrical supplies
- light bulbs
- steel wire
- all drugs not classified as essential drugs by the Department of Health (DOH)
Ano nga ba ang pagkakaiba ng basic necessity at prime commodity?
Ayon sa Department of Trade and Industry (DTI) Fair Trade Enforcement Bureau, ang dalawa ay magkaiba depende sa lebel ng kahalagahan.
“Basic necessities are goods vital to the needs of consumers for their sustenance and existence, while prime commodities are goods not considered as basic necessities but are essential to consumers,” anang DTI Fair Trade Enforcement Bureau.
Matatandaang inanunsyo rin ni Torre na epektibo na ang aprubadong resolusyon noong pang Martes, Marso 24.
