Ibinahagi sa publikong Department of Environment and Natural Resources (DENR) MIMAROPA ang footage at larawan nila ng isang Philippine deer o kilala rin sa pangalan nitong “Rusa marianna.” 

Ayon sa ibinahaging mga video at larawan ng DENR MIMAROPA sa kanilang Facebook page noong Biyernes, Marso 20, 2026, masaya nilang ibinalita ang muling pagpapakita ng isang Philippine deer matapos ang ilang mga dekadang hindi na ito namataan ng publiko. 

Anang DENR MIMAROPA, nag-setup daw sila ng mga camera trap at Biodiversity Monitoring System (BMS) sa mga barangay sa Malibago, Torrijos at Makulapnit, Sta. Cruz sa MIMAROPA. 

Bukod dito, isinulong daw nila ang kampanyang Communication, Education, and Public Awareness (CEPA) dahilan para makumpirma nila ang pag-iral ng Philippine deer sa Marinduque Wildlife Sanctuary (MWS) Protected Area Management Office (PAMO). 

Paliwanag ng DENR MIMAROPA, nagsimula raw silang imbestigahan ang pag-iral ng Philippine deer noong 2025 kung saan may ilang indibidwal na nakakita nito at may nakita rin daw footprint o bakas ng Philippine deer. 

Kahayupan (Pets)

Retired PNP service dogs, ‘ready for adoption’ matapos ilang taong serbisyo

“Records from 2025 documented multiple sightings across the sanctuary, with Barangay Makulapnit emerging as a key habitat, recording at least ten (10) individuals. Additional signs, such as footprints, were also observed in Boac and nearby areas, indicating a broader distribution of the species within the landscape,” anila. 

Samantala, sa kabila umano nito, hindi pa rin daw maaalis ang mga panganib sa buhay ng Philippine deer dahil sa umano’y mga illegal hunting, poaching, at pag-atake ng mga wild dogs sa Philippine deer. 

Anila, “[O]n December 28, 2025, a female deer in the Balagbag Range survived an attack by wild dogs, prompting an immediate response from PAMO and partner enforcement units.” 

Dahil umano dito, nilayong mas palakasing ng DENR MIMAROPA ang kanilang Protected Area Management Board (PAMB) sa pamamagitan ng pakikipagtulungan sa kanilang Veterinary Office. 

“In response, the Protected Area Management Board (PAMB) is strengthening coordination with the Provincial Veterinary Office to address wildlife threats, while PAMO continues to intensify CEPA campaigns across communities to reinforce compliance with Republic Act No. 9147, or the Wildlife Resources Conservation and Protection Act,” saad nila.

Dagdag pa nila, “Complementing field efforts, a proposed scientific study by the University of the Philippines Los Baños (UPLB) aims to assess the population status of the Philippine deer and provide data to guide long-term conservation and management strategies.” 

Anila, isang pagwawagi at panawagan umano ang muling pagpapakitang ito ng Philippine deer sa publiko upang magkaisa sila sa patuloy pa nitong pamumuhay. 

“The reappearance of the Philippine deer in Marinduque stands as both a conservation milestone and a call to action—demonstrating that while recovery is possible, sustained partnership is essential to ensure its long-term survival,” pagtatapos pa nila.