Mayor Leni, ipinag-utos 'compressed workweek policy' sa Naga-Balita

Mayor Leni, ipinag-utos 'compressed workweek policy' sa Naga

By Vincent Gutierrez

March 12, 2026

Nag-isyu si dating Vice President at ngayo’y Naga City Mayor Leni Robredo ng isang executive order (EO) kaugnay sa implementasyon ng “compressed workweek policy” sa kaniyang nasasakupan.

Ito ay tugon sa mas mahigpit na “energy” at “fuel conservation measures” ng bawat lokal na pamahalaan bilang sagot sa tumataas na presyo ng produktong petrolyo, bunga ng walang-humpay na tensyon sa rehiyon ng Gitnang Silangan.

Sa ibinahaging anunsyo ni Mayor Leni sa kaniyang Facebook page nitong Huwebes, Marso 12, mababasa ang ilan sa mga probisyon ng nasabing order.

“Under the order, all city government offices will adopt a four-day workweek from Monday to Thursday, 7:00 a.m. to 6:00 p.m., allowing a full shutdown of most administrative offices on Fridays to reduce electricity and fuel consumption,” mababasa sa post.

“The policy was issued amid projected fuel price hikes, with the Department of Energy warning of possible increases of up to ₱24.25 per liter for diesel and ₱13 per liter for gasoline due to global market volatility and tensions in the Middle East,” dagdag pa nito.

Gayumpaman, nilinaw ni Robredo na magpapatuloy ang operasyon ng essential frontline services—adjusted man o 24-hour duty rotations.

Ilan sa mga ito ay ang mga sumusunod: Naga City General Hospital, City Health Offices, Naga City Disaster Risk Reduction and Management Office, Public Safety Office, Solid Waste Management Office, at ang Bicol Central Station.

“The order also mandates stricter vehicle use policies such as mandatory carpooling, centralized dispatch of city vehicles, travel restrictions for non-essential trips, and a 'no-idle’ rule for government drivers,” anang order.

“Offices are likewise directed to implement energy-saving measures, including limiting air-conditioning use, reducing lighting, and activating power-saving modes in office equipment, as part of the city’s target to cut electricity consumption by at least 25 percent,” pagtatapos nito.

Ilan din sa mga lokal na pamahalaan na nag-abiso ng “compressed workweek” ay ang Cebu at Manila local government unit (LGU).

MAKI-BALITA: Gov. Baricuatro, iniutos four-day work week, 'energy saving measures' sa Cebu-Balita

MAKI-BALITA: Four-day workweek, kasado na sa Manila LGU!-Balita

Pedestrian na tumatawid sa kalsada, patay sa bangga

Isang pedestrian ang patay nang mabangga ng isang motorsiklo habang tumatawid sa kalsada sa Taytay, Rizal noong Miyerkules, Marso 11. Ang biktima ay kinilalang si alyas 'Marcial,' residente ng Brgy. San Juan, sa Cainta. Arestado naman ang sugatan ding driver ng motorsiklo na si alyas 'Mark,' 36, anyos, residente ng Brgy. San Juan, sa Taytay. Batay sa ulat ng Taytay...

Senior citizen, patay sa suntok ng kainuman!

Nasawi ang isang 60-anyos na lalaki matapos umanong masuntok ng kaniyang kainuman sa Masinloc, Zambales. Batay sa imbestigasyon ng pulisya, nagkakasiyahan umano sa inuman ang biktima at ang suspek nang mauwi ito sa mainitang pagtatalo. Sa gitna ng kanilang alitan, sinuntok umano ng suspek ang biktima. Dahil sa lakas ng suntok, natumba ang biktima at tumama ang ulo sa sementadong kalsada na...

Sinagot pabalagbag! Magsasaka, dinala ang tractor sa gas station dahil sa trato ng mga empleyado

“Ganito ba ninyo tratuhin ang magsasaka?” Isang netizen ang naglabas ng kaniyang hinaing matapos ang naging pagtrato umano sa kaniya ng empleyado ng isang gasolinahan at hindi pagpayag ng mga itong maglaman ng gasolina sa dala niyang container para sana matubigan ang kanilang taniman. Ayon sa naging Facebook post ng netizen na si Chad Genesis Panoy noong Marso 10, 2026, ikinuwento niyang...