Sinagot ni Kapuso star Max Collins ang tanong ukol sa kaniyang opinyon sa naging controversial jet ski joke ni Unkabogable Star Vice Ganda sa “Super Divas” concert nito kasama si Asia’s Songbird Regine Velasquez-Alcasid, noong Agosto 8 at 9, sa Smart Araneta Coliseum.
KAUGNAY NA BALITA: Vice Ganda, binanatan ng Duterte supporters dahil sa paandar sa concert-Balita
Tila niresbakan ni Max Collins ang mga bashers ni Meme Vice, at ibinahaging minsan ay masyadong sineseryoso ng mga tao ang mga bagay bagay.
“You know people are so…people take things so seriously sometimes…I think it’s just fun to be light about things and laugh. If you are not in the mood to laugh, then move on,” ani Collins sa isang panayam.
'Dad's okay!' Kat De Castro, tiniyak na maayos na lagay ng tatay na si Kabayan
“Because I know that at the end of the day, we just want to make people happy as performers,” dagdag pa niya.
KAUGNAY NA BALITA: ALAMIN: Mga kontrobersiyal na joke ni Vice Ganda sa concert niya-Balita
Inilahad pa ng aktres na hindi raw siya makapaniwala tuwing pupurihin siya ni Meme.
“Hindi ako makapaniwala, parang siya ba nagsasabi niyan?” anang Max Collins.
“I’m so appreciative sa kaniya, because of her, people really notice me, and I’m so thankful,” dagdag pa niya.
Binalik din ng aktres ang mga puri kay Meme Vice at ibinahagi kung ano ba ang tingin niya sa komedyate-TV host.
“I think she’s so nice, she’s so down to earth and humble,” aniya.
“She loves the people around her, sa [It’s] Showtime, you can tell kasi lahat sila masaya doon,” dagdag pa niya.
Matatandaang lumabas sa ilang episodes ng It’s Showtime si Max Collins bilang celebrity judge at guest.
Vincent Gutierrez/BALITA
