Lalaki, tinaga sa ulo, patay

By Mary Ann Santiago

July 01, 2024

In BALITA

Patay ang isang lalaki nang tagain sa ulo ng kaniyang nakaalitan sa Rodriguez, Rizal, nitong Linggo.

Kaagad na binawian ng buhay ang biktimang si Birgo Reno, 55, ng Sitio Laan, habang nakatakas naman at tinutugis na ng mga awtoridad ang suspek, na kinilala lang sa alyas na ‘Rene,’ 59, ng Sitio Proper 2, kapwa sa Brgy. Macabud, sa Rodriguez.

Batay sa ulat ng Rodriguez Municipal Police Station, nabatid na dakong alas-2:10 ng hapon nang maganap ang krimen sa Sitio Proper 2, Brgy. Macabud, sa Rodriguez.

Sa hindi pa malamang kadahilanan ay nagkaroon umano ng mainitang pagtatalo sa pagitan ng biktima at suspek sanhi upang kumuha ang biktima ng isang sumpak at tinangkang barilin ang suspek ngunit hindi ito tinamaan.

Dito na bumunot ng itak ang suspek at kaagad na tinaga umano ang biktima sa ulo, na kaagad nitong ikinamatay.

Mabilis ding tumakas ang suspek patungo sa mabundok na lugar sa Brgy. Macabud at tinutugis na ng mga awtoridad.

Fingerprint ng ikatlong 'Alice Guo', 'di tugma kay Mayor Alice Guo

Isiniwalat ng National Bureau of Investigation (NBI) nitong Miyerkules, Hulyo 3, na hindi tugma ang fingerprint ng ikatlong 'Alice Guo' kay suspended Bamban, Tarlac Mayor Alice Guo.Ang ikatlong 'Alice Guo' at si Mayor Alice ay pareho ng petsa ng kaarawan na Hulyo 12, 1986, at pareho ring ipinanganak sa Tarlac, dahilan para pag-aralan ng NBI ang fingerprint ng una base sa NBI...

Plano raw ng DILG na pagpaliwanagin si Mayor Baste, walang katotohanan — Abalos

Naglabas ng pahayag si Department of the Interior and Local Government (DILG) Secretary Benhur Abalos kaugnay sa ulat ng isang pahayagan.Sa Facebook post ni Abalos nitong Martes, Hulyo 2, pinabulaan niya ang nakasaad sa ulat tungkol kay Davao City Mayor Sebastian “Baste” DuterteAyon sa ulat: “Plano ng DILG na pagpapaliwanagin si Baste kung bakit wala ito sa kanyang nasasakupan o pwesto...

Zamora sa 'perwisyo' ng Wattah Wattah Festival: 'Babawi tayo San Juan!'

Ipinangako ni San Juan City Mayor Francis Zamora na 'babawi' ang San Juan sa hindi matigil-tigil na isyu kaugnay sa ilang mga 'pasaway' na residente ng lungsod na umano'y nagdulot ng perwisyo sa 'Wattah Wattah Festival' na taunang ipinagdiriwang tuwing Hunyo 24.Ang nabanggit na kapistahan, na tinatawag ding 'Basaan,' ay pagpupugay sa pintakasi ng...