VP Sara, walang inirekomenda kay PBBM na kapalit niya bilang DepEd chief

By Mary Joy Salcedo

June 29, 2024

In BALITA National

Inihayag mismo ni Vice President Sara Duterte na wala siyang inirekomenda kay Pangulong Ferdinand “Bongbong” Marcos Jr. na kapalit niya bilang kalihim ng Department of Education (DepEd) matapos niyang magbitiw sa pwesto.

Sa isang panayam nitong Sabado, Hunyo 29, na inulat ng Manila Bulletin, sinabi ni Duterte na hindi siya nagrekomenda kay Marcos dahil dapat daw na ang pinagkakatiwalaan talaga ng pangulo ang maitalaga sa nasabing posisyon.

“Wala akong na-recommend na new secretary for the Department of Education dahil ang posisyon ng secretary ay sa posisyon ng trust and confidence on the appointing power, appointing authority, which is the President,” ani Duterte.

“So, dapat talaga ‘yan pinili ng Pangulo dahil dapat ‘yan pinagkakatiwalaan ng Pangulo,” dagdag pa niya.

Samantala, sa isang panayam ng mga mamamahayag nito ring Sabado, sinabi naman ni Marcos na hindi pa siya nakakapili ng ipapalit kay Duterte sa posisyon at kinakailangan pa raw niya ng mas mahabang oras para magdesisyon.

MAKI-BALITA: PBBM, kailangan pa ng 'more time' para mapili bagong DepEd chief

Matatandaang noong Hunyo 19, 2024 nang ianunsyo ni Duterte ang kaniyang pagbibitiw bilang kalihim ng DepEd, na magiging epektibo sa Hulyo 19, 2024.

MAKI-BALITA: VP Sara sa pagbibitiw bilang DepEd Secretary: ‘Hindi lulan ng kahinaan’

Samantala, sinabi ni Marcos kamakailan na hindi raw nagbigay ng paliwanag ang bise presidente sa kaniyang hinggil sa naturang pag-alis nito sa kaniyang gabinete.

MAKI-BALITA: VP Sara, 'di raw nagpaliwanag kay PBBM sa pagbibitiw niya sa DepEd, NTF-ELCAC

Fingerprint ng ikatlong 'Alice Guo', 'di tugma kay Mayor Alice Guo

Isiniwalat ng National Bureau of Investigation (NBI) nitong Miyerkules, Hulyo 3, na hindi tugma ang fingerprint ng ikatlong 'Alice Guo' kay suspended Bamban, Tarlac Mayor Alice Guo.Ang ikatlong 'Alice Guo' at si Mayor Alice ay pareho ng petsa ng kaarawan na Hulyo 12, 1986, at pareho ring ipinanganak sa Tarlac, dahilan para pag-aralan ng NBI ang fingerprint ng una base sa NBI...

Plano raw ng DILG na pagpaliwanagin si Mayor Baste, walang katotohanan — Abalos

Naglabas ng pahayag si Department of the Interior and Local Government (DILG) Secretary Benhur Abalos kaugnay sa ulat ng isang pahayagan.Sa Facebook post ni Abalos nitong Martes, Hulyo 2, pinabulaan niya ang nakasaad sa ulat tungkol kay Davao City Mayor Sebastian “Baste” DuterteAyon sa ulat: “Plano ng DILG na pagpapaliwanagin si Baste kung bakit wala ito sa kanyang nasasakupan o pwesto...

Zamora sa 'perwisyo' ng Wattah Wattah Festival: 'Babawi tayo San Juan!'

Ipinangako ni San Juan City Mayor Francis Zamora na 'babawi' ang San Juan sa hindi matigil-tigil na isyu kaugnay sa ilang mga 'pasaway' na residente ng lungsod na umano'y nagdulot ng perwisyo sa 'Wattah Wattah Festival' na taunang ipinagdiriwang tuwing Hunyo 24.Ang nabanggit na kapistahan, na tinatawag ding 'Basaan,' ay pagpupugay sa pintakasi ng...