Umalma si House Deputy Majority Leader at Quezon City 3rd district Rep. Franz Pumaren sa naging “murder” threat umano ni dating Pangulong Rodrigo Duterte kay ACT Teachers Party-list Rep. France Castro.
Matatandaang pinatutsadahan kamakailan ni Duterte si Castro, at sinabing gagamitin umano ng kaniyang anak na si Vice President Sara Duterte ang confidential at intelligence funds (CIF) nito para sa Reserve Officers' Training Corps (ROTC) at upang ihinto umano ang communist insurgency sa bansa.
“Pero ang una mong target sa intelligence fund mo, ‘kayo, ikaw, France (Castro), kayong mga komunista ang gusto kong patayin,” ani Duterte kamakailan.
Ex-Pres. Rodrigo Duterte, nagpatutsada kay Rep. Castro
Sa pahayag naman ni Pumaren nitong Lunes, Oktubre 16, sinabi niya na kung may basehan umano ang mga alegasyon ng dating pangulo, dapat umanong idaan nito ang usapin sa mapayapang proseso.
“As the good former president should know, we, as lawmakers duly elected by our respective constituents to represent their interests, do not respond well to threats and intimidation. If his allegations have bases, then he should go to the proper channels and file charges,” pahayag ni Pumaren.
“But to insinuate bodily harm or even the murder of a member of the House of Representatives, this has gone too far. We urge the former president to be cautious and reasonable in his criticisms. There are more peaceful and effective ways to send his message through,” dagdag pa niya.
Nakiusap din ang mambabatas kay Duterte na gumamit umano ng “peaceful resolution” sa halip na gumawa ng “threats” at “intimidation.”
“We implore the good former president to seek the path of peaceful resolution instead of engaging in making threats and intimidation. We should unite, not divide. We are not going to be good examples to the people if we give in to these bickerings,” ani Pumaren.
Samantala, matatandaang nangyari ang naturang patutsada ni Duterte matapos magdesisyon ang “small committee” ng Kamara kamakailan na bigyang ng “zero confidential funds” sa 2024 ang tanggapan ni VP Sara na Office of the Vice President (OVP) at Department of Education (DepEd).
Isa naman si Castro sa mga hayagang kritiko ng confidential funds ng bise presidente.
https://balita.net.ph/2023/10/05/castro-pinatutsadahan-pagdepensa-ni-vp-sara-sa-confidential-funds/
Bukod naman sa OVP at DepEd, tatlong ahensya ng gobyerno pa ang binigyan ng Kamara ng “zero confidential funds” sa 2024 budget upang ilipat umano sa mga ahensyang dumidipensa sa WPS at nakatutok sa “peace and order” ng bansa.
https://balita.net.ph/2023/10/10/confidential-funds-ng-5-govt-agencies-inalis-ng-kamara-quimbo/
