Muling hinimok ng Commission on Elections (Comelec) ang mga eligible na mga Pilipino na magparehistro para makalahok sa Barangay at Sangguniang Kabataan Elections (BSKE) ngayong taon.
Inimbitahan ni Comelec Chairman George Garcia ang mga kwalipikadong indibidwal na maghain ng kanilang aplikasyon sa o bago ang deadline ng voters’ registration sa Enero 31.
“Muli po nating inaanyayahan ang ating mga kababayan na magparehistro upang makaboto (Once again, we invite our citizens to register so they can vote,” ani Garcia sa kaniyang Twitter post nitong Linggo, Enero 29.
“Matatapos na po ang voter registration sa Jan. 31, 2023 kaya magparehistro na po tayo,” dagdag niya.
Alice Guo, ililipat sa Pasig City jail kaugnay ng kasong qualified trafficking
Ang mga karapat-dapat na magparehistro bilang mga regular/barangay na botante ay sinumang mamamayang Pilipino, hindi bababa sa 18 taong gulang sa o bago ang halalan sa barangay, isang residente ng Pilipinas nang hindi bababa sa isang taon, at anim na buwan sa lugar kung saan nilalayong bumoto kaagad bago ang halalan; at hindi kung hindi man ay disqualified ng batas.
Samantala, ang mga indibidwal na karapat-dapat na bumoto sa SK elections ay mga mamamayang Pilipino na hindi bababa sa 15 taong gulang ngunit hindi hihigit sa 30 taong gulang sa o bago ang araw ng halalan, isang residente sa loob ng anim na buwan sa lugar kung saan nilalayon niyang bumoto kaagad bago ang halalan; at hindi kung hindi man ay disqualified ng batas.
Ang BSKE ay nakatakdang isagawa sa Okt. 30, 2023.
Analou de Vera
