Jake Cuenca, kinasuhan na!-- EPD chief-Balita

Jake Cuenca, kinasuhan na!-- EPD chief

Kinumpirma ni Eastern Police District (EPD) chief, Brig. Gen. Matthew Baccay na nakalaya na ang aktor na si Jake Cuenca, gayunman, sinampahan nila ang aktor ng mga kaukulang kaso sa piskalya nitong Lunes.

Ayon kay Baccay, minor offense lang ang kaso ni Cuenca kaya pinakawalan na ito mula sa kustodiya ng mga pulis atlagpas na ang reglamentary period na 12 oras.

Kinumpirma rin ni Baccay na nitong Lunes lamang ng umaga nasampahan ng mga kasong reckless imprudence resulting in damage to property at disobedience to agents in authority si Cuenca matapos na hindi ito matuloy nitong Linggo.

"He was released from custody kasi lumagpas na ang reglamentary period of 12 hours since minor offenses 'yung kaso. Kanina po, by way of regular filing nasampahan ng Disobedience and Reckless Imprudence si Jacke Cuenca," ayon pa kay Baccay.

Ipinaliwanag ni Baccay na kung hindi nila palalabasin si Cuenca ay mairereklamo ng arbitrary detention ang mga pulis.

"Yes tama po by inquest pero since lumagpas na ang reglamentary period of 12 hours for minor offenses he has to be released from custody, otherwise arbitrary detention ang mga pulis, kahapon ng umaga (Linggo) was supposed to be for inquest pero di natuloy," aniya pa.

Matatandaang si Cuenca ay inaresto ng mga awtoridad noong Sabado ng gabi nang mabangga umano ang isang sasakyan ng mga pulis na nagsasagawa ng anti-illegal drug operations sa Mandaluyong City.

Sa halip na hintuan, tinakbuhan umano ni Cuenca ang mga pulis.

Kinailangan pang barilin ng mga pulis ang gulong ng itim na Wrangler na sinasakyan ng aktor bago siya maaresto.

Isang Grab driver naman ang tinamaan ng ligaw na bala dahil sa insidente

Ang biktimang siEleazar Bandolan Martinito, 43, ay isinugod sa Rizal Medical Center at nilalapatan na ng lunas.

Nauna nang inatasan ni Baccay ang Mandaluyong City Police na asikasuhin ang biktima at tiyaking sasagutin ang lahat ng gastusin nito.

Ipinaliwanag naman ng kampo ni Cuenca na natakot lang at nag-panic ang aktor kaya ito nagtangkang tumakas.

Mary Ann Santiago

Luis Manzano natalo, pero 'panalo' pa rin daw dahil sa mga Batangueño

Tinanggap na ng Kapamilya TV host at tumakbong vice governor ng Batangas na si Luis Manzano ang kaniyang pagkatalo sa nagdaang 2025 National and Local Elections.Hindi kinaya ng boto kay Luis ang natamong boto ng kalabang si Governor Hermilando “Dodo” Mandanas na siyang pinaburan bilang makaka-tandem ng kaniyang inang si Star For All Seasons na si Vilma Santos-Recto, na muling tumakbo sa...

De Lima, tinanggap alok ni Romualdez dahil sa 'duty at principle'

Naglabas ng opisyal na pahayag si Mamamayang Liberal (ML) party-list first nominee at incoming representative-elect Atty. Leila De Lima kung bakit siya pumayag sa alok ni House Speaker Martin Romualdez na sumama sa House Prosecution Panel na uusig sa impeachment trial ni Vice President Sara Duterte.Batay sa kaniyang X post, Miyerkules ng gabi, Mayo 14, kinumpirma ni De Lima na inimbitahan siya...

Pakiusap ni Jimmy Bondoc: 'Pauwiin si Digong, wag pag-initan si Sara!'

May apela ang singer, abogado, at kumandidatong senador na si Atty. Jimmy Bondoc sa kabila ng kaniyang pagkatalo sa senatorial race, ayon sa partial and unofficial election result ng Commission on Elections (Comelec).Batay sa Facebook post ni Bondoc, tinanggap na niya ang kaniyang pagkatalo matapos na hindi makapasok sa top 12, bagama't ipinagpapasalamat niya sa Diyos at taumbayan ang...